Англи хэл сурахад ТВ шоу үзэх нь зөвхөн хөгжилтэй арга биш, харин бодит амьдралд ашиглагдах ярианы хэв маяг, шинэ үгсийг амьдрал дээрээ хэрэглэхэд тусалдаг маш үр дүнтэй арга юм. Энд сүүлийн 5 жилд өргөнөөр хүлээн зөвшөөрөгдөж буй, англи хэл сурахад тохиромжтой зарим шинэ, онцлог ТВ шоунууд болон тэдгээрээс суралцах боломжтой ярианы төрлүүдийг танилцуулж байна.

1. “Ted Lasso” (2020-2023)

/Amazon Prime Video-с үзэх боломжтой/

Ярианы төрөл: Эерэг сэтгэлгээтэй урам зоригоор дүүрэн энгийн өдөр тутмын харилцаа, ахлах багш, багийн гишүүдийн хоорондох дотно яриа.
Юу сурах вэ: Сайн сэтгэл, урамшуулал илэрхийлэх хэллэг, энгийн найрсаг яриа, багийн хамтын ажиллагааны үгс.
Яаж сурах вэ:

• Сайн сайхныг илэрхийлэх энгийн хэллэгүүд дээр анхаар.
• Гол дүрүүдийн сэтгэл хөдлөлийг хэрхэн илэрхийлж байгааг ажиглаарай.
• Дүрүүдийн эелдэг яриа, алдаа гаргах дургүй байдал, хошигнолыг ойлгож сураарай.

 

2. “Only Murders in the Building” (2021-одоо)

/Disney+ -с үзэх боломжтой/

Ярианы төрөл: Хэрэг явдал задлах, сэжигтэй байдал, түүх ярьж ойлголцох харилцан яриа.
Юу сурах вэ: Хэрэг явдал тайлбарлах, эргэлзэх, санал бодлоо хуваалцах хэллэгүүд.
Яаж сурах вэ:

• Асуулт асуух, сэжиглэх хэллэгүүдийг тэмдэглээрэй.
• Яриа хэрхэн өрнөж, хэрхэн санаа бодлыг илэрхийлж байгааг анхаар.
• Хоорондоо санал зөрөлдөж, хэрхэн тайлбарлаж байгааг судлаарай.

 

3. “Shrinking” (2023-одоо)

/AppleTV+-с үзэх боломжтой/

Ярианы төрөл: Сэтгэлзүй, хүний харилцааны гүн яриа, зөвлөгөө өгөх харилцан яриа.
Юу сурах вэ: Сэтгэлзүйн зөвлөгөө өгөх, хүнд санаа зовж байгаагаа илэрхийлэх хэллэгүүд.
Яаж сурах вэ:

• Хүнд ойлголцол үзүүлэх, сонсох ур чадварыг анхаар.
• Тайлбарлах, зөвлөх хэллэгүүдийг тэмдэглэ.
• Ямар үгсээр урам зориг өгөхийг анхаар.

 

4. “Abbott Elementary” (2021-одоо)

/Amazon Prime Video, Disney+ -с үзэх боломжтой/

Ярианы төрөл: Сургууль дээрх багш нарын өдөр тутмын амьдрал, инээдэмтэй харилцаа.
Юу сурах вэ: Ажлын орчны харилцаа, найрсаг яриа, шоглоомын хэллэг.
Яаж сурах вэ:

• Ажлын газрын хэллэг, дүрэм журмыг сурах.
• Инээдмийн хэллэг, хоёрдмол утгыг ойлгохыг хичээ.
• Найрсаг ярианы хэв маягийг суралц.

 

5. “Modern Family” (2009-2020)

/Apple tv+, Disney+-с үзэх боломжтой/

Ярианы төрөл: Гэр бүлийн өдөр тутмын харилцаа, төрөл бүрийн нөхцөлд үүсэх асуудал, хөгжилтэй харилцан яриа.
Юу сурах вэ: Гэр бүлийн гишүүдийн хоорондох энгийн, ойлгомжтой харилцан яриа, инээдэмтэй хэллэгүүд, янз бүрийн нөхцөлд ярианы хэв маяг.
Яаж сурах вэ:

• Гэр бүлийн янз бүрийн харилцааны хэв маяг дээр анхаарал тавь.
• Инээдэмтэй нөхцөл байдалд хэрхэн харилцаж байгааг судал.
• Хэллэгүүдийг тэмдэглэж, өдөр тутмын яриандаа хэрэглэхийг оролд.

Англи хэл сурахад ТВ шоунаас илүү үр дүнтэй сурах зөвлөмжүүд

1. Хамгийн гол нь өөртөө сонирхолтой сэдвийн кино сонгон үзэх.                         
2. Англи хэл дээр subtitle ашигла

• Эхэндээ англи хадмал үзээд дараа нь хадмал үзэхийг оролдоорой.
• Шинэ үг, хэллэг гарвал тэмдэглэж ав.

2. Дүрүүдийн яриаг давтаж ярь

• Гол дүрүүдийн хэлсэн үгийг дуудаж, дуурайж хэлэх нь таны хэл ярианы чадварыг сайжруулна.

3. Тодорхой сэдвээр анхаарал хандуулах

• Жишээ нь, зөвлөгөө өгөх, сэжиглэх, найз нөхөдтэй ярилцах гэх мэт төрөл бүрийн ярианы хэв маягийг ялгаж сурах.

4. Xарилцан ярианаассуралцахад төвлөр

• Ярианы үгсийн холбоос, асуултын бүтэц, дүрмийн хэрэглээг ажиглаж, тэмдэглээрэй.

5. Уншиж, сонсохыг хослуулах

• Үзэж буй шооны холбоотой аудио, подкаст, ном зэрэг материалуудыг ашиглан суралц.

Таны англи хэлний суралцах аялалд эдгээр ТВ шоунууд маш их тус болно. Үзэж, сонсож, ярилцаж, бичиж сурах бүрд таны хэлний чадвар илүү хурдан сайжрах болно!